الشاعر/ عارف مصطفى
ابن مدينه طنطا صدر له ديوان وسوسة شيطان الصادر عن المجلس الأعلى للثقافة وله بعض الأعمال الغنائية في السوق المصري مابين الفصحى والعامية
لو لقيت الدنيا زحمه جوه راسك
يبقى جوه دولاب حياتك ألف حاجه
إرمى منهم كل حاجه مش مقاسك
أى واحد كان سبب لدموع عنيك
أى حد ماكنش يوم بيخاف عليك
إمسك الذكرى اللى بينكم دى بإيديك
وإبقى دوسها بقوه زى ماهو داسك
خلى عقلك بس يحكم فى الأمور
خرج الحلم اللى محبوس وسط نور
إبتسم للدنيا واوعى من الغرور
ومهما تعلى أوعى تنسى يوم أساسك
ربنا خالق حياتك والظروف
كل خطوه مهمه ليك ركز وشوف
والنجاح عمره مايرتاح وسط خوف
والسعاده بتبتدى من وسط ناسك .
من ديوان وسوسه الشيطان الصادر عن المجلس الأعلى للثقافة المصرية سلسله الكتاب الأول لسنة ٢٠٢١
أقرأ أيضاً
ليست هناك تعليقات:
إرسال تعليق