الشاعره أماني السيد العطار
شاعره وأديبه صدر لها عدة دواوين مشتركه نشر لها أعمال بالجرائد والمجلات داخل وخارج مصر.عضو عامل بنادي أدب كفر الزيات عضو بالنقابه العامه للصحافه والإعلام موظفه بقطاع الفنون التشكيليه /وزارة الثقافه/متحف دنشواي.وأبنه قريه مشله بكفرالزيات
كنت أتمنى.....تفضل بينا
نفس بداية براءة الحلم
كنت أتمنى.....كل أماني الفرح تتم
ليه بتإن الضحكه الحلوه
ليه بنعيش حزن الغنوة
ليه الجرح بيفضل هو
مهما داوينا..... وليه بتحكمنا
كنت أتمنى يفضل بينا
نفس بداية برائة الحلم
إتغطيت بخيال الصورة
وسيبتها روح ترسملي الجي
كل كاساتي طلعت مكسوره
والفزوره حلها ...... أي
ضهر أمالي مايل وتده
ومين بيدور عمري بوقته
ساعة عشمي فاردة حبالها
وبيهنالها عياطي وسككه
عقرب ريحها إتجوز ليله
بات يتاوب ليه ويحكيله
إزاي حبلت روح السكنه
ببطن البور
وإزاي مصت دراع الشعر
وسابني سطور
تحكي الخطوه....لسنين ثابته
توصف فيا ألمي شعور
إتمضمضت بعيون زور
وإتشربت ريقي فخار
كنت أقول قلبي معزور
م هو مكسور وبينهار
كنت أحتار لما تمل مني الكلمه
كنت أمضغها بمر حروفها وأكسر سني
كات تتطحني نقطه نقطه.....جراح إكمني
كنت الفاعل.........ولما أتفاعل ويصدر عني
ورق عرقي...........كنت أبات في النهايات
فهرس فاضي
والمسافات وحدها تكتب قصصي قصادي
بدون عنوان
كنت نهار حاضن ليل م الدخان
يرضع دمي الحفيان
كنت أتمنى اشبه أمي....وأكتم حزني
لجل أسرار شعري ماتبان
كنت أتمنى
البدايات للنهايات تكتب إسمي
شاعر كان......ولسه مازال
موته الحي ......بقولة أي
عاش إنسان......مات إنسان
بس حياته توب دوبان
ما إتهناش
ما إتعشاش
عاش غرقان ومات عطشان
ليست هناك تعليقات:
إرسال تعليق