دعوة حلم .. قصيده للشاعره أمانى العطار أبنه مشله بكفرالزيات

 

الشاعره أماني السيد العطار

شاعره وأديبه صدر لها عدة دواوين مشتركه نشر لها أعمال بالجرائد والمجلات داخل وخارج مصر.عضو عامل بنادي أدب كفر الزيات عضو بالنقابه العامه للصحافه والإعلام موظفه بقطاع الفنون التشكيليه /وزارة الثقافه/متحف دنشواي.وأبنه قريه مشله بكفرالزيات

وقت النوم بعزم نفسي على حلمي أتبرفن ....وأتجمل....وأعيش اللحظه وكأني ملكه متوجه في حلمي أتربع على السلطه واتزين بكام خطوه شايله للأمل أفكار بأرفض يومها اي أعذار توقع للنهار غلطه ماهش ورطه لو أجند. .. قلمي..... وسطره..... وكلامي ماهش ورطه أفتح دفتر أسراري واتقدم بكام خطوه ينده الوجود إسمي وألمسني يمشي طريقي عالبركه يتكشف ستار الواقع وضل العمر يتمدد أتمطع جوه براحي وعلى كتفي اتسند أشوف الدنيا بتفاصيلها اصاحبها وأحكيلها أناديلها ويوم ماتقيد قناديلها ألاقيها بتتراجع أطلع براني بالقسط وأدفع كاش أحزاني منين ماجيت او روحت ألقاني نسياني تايهه جوه عنواني ومكاني....... شيلة غلب يشيلها القلب للإمكان وألقاني بره مكان ينده وجعي للأيام تتمكن في فقداني يجوز الحلم بيرفضني ...بدون دعوه من وقته يجوز واقعي بيجذبني .... ويجبرني ......أخضعله يجوز ألمي بسمعله يصحي نومي السهران منبه ليله بيشقشق ويملا العيون أحزان يجوز الحرب للشجعان وشجاعتي منعاني أهرب تاني لأي منام بدون معازيم بعزم نفسي على نفسي بدون تقديم وأضيفني.......... لحلم قديم ألاقي كتير سابقيني لحلم مليان مساجين مسكين ياقلبي مافرحتش بيعت ضحكتك ملايين بتكسي الروح للغير وتجوز فرح لسعاده مت ياقلب مسكين متقطع كالعاده يا نبض فرح لفرح يتيم والدفنه تألمني تطلعني من حلمي بدون جاهي وتصويرتي بدون حتى مملكتي يوم ماقولت أعزمني تاهت دعوتي لراحتي