الشاعر رضا غريب ابن كفر الزيات
بعد ضياعنا وسط الزحمة
بعد سقوطكوا ك بنى آدمين
بعد فشلنا ف نفحة رحمة
مالكوش حجة ليوم الدين
رافضين نبقى ليكوا هابيل
رافضين تبقوا علينا قابيل
تاج العِزة عهد ودين
اصحى وقوم يا صلاح الدين
..عينى عليكى..عينى عليكى..
..عينى عليكى يا فلسطييين..
عينى عليكى يا فلسطين
مادة ايديكى ومين يحميكى
مهما تنادى جيل ورا جيل
قدس واقصى وحلم النصرة
تاهو وتْهنا دنيا ودين
..عينى عليكى ..عينى عليكى..
..عينى عليكى يا فلسطيييين..
ياللى غيابكوا زاد الحِمل
لسة اكتافنا اهى شايلين
مين ف الدنيا بيرضى الذل
مين يتمنى نفسه أسير
كل وعود الدنيا اتقالت
ولا ف مرة ف صفنا مالت
يا تبنوا مدينة بحجم الهم
تاخد وتكفى فيض الدمع
يا إما تسيبونا بعضمنا نبنى
جوة قلوبنا سفينة نوح
لجل طوفان العدل يسود
بعد ما طلعت منا الروح
وادى كفنا شراع الصارى
وستر جتتنا ترابنا يوارى
ياللى كسرتوا قلم الراوى
ولا عاد ينفع فيكوا انين
خافوا دعاوى بنارها تلالى
شقة صدور المظلومين
ومهما كان بحركوا عالى
حافظك رب العالمين
يا فلسطين يا فلسطين
عينى عليكى يا فلسطين
ليست هناك تعليقات:
إرسال تعليق