هاللو يا أمريكا .. قصيده للشاعر الكبير الأستاذ/ ابراهيم محمد خطاب ابن الدلجمون بكفر الزيات

الشاعر/ ابراهيم محمد خطاب
ابن الدلجمون بكفر الزيات

 

كان اللى كاااااااااااااااااان سموه وطن عيل صغير تحت صفصافى الترعه كنبه ومسندين كان الفضا حاااااااااااااافى حافى من الطيران والباتريون زيكا هاللو يا أمريكا عيل صغير كااااااااااااااااااان علمنا عزف النايات والرقصة فوق الترعه والمسقات تحدف ضلوعك للشجر يسترك وسط الغيطان العطشى للريات ولا كانشى يعرف ف القانون الشيكا هاللو يا امريكا يا مرقصين حبل الغسيل تارتين مره ف خندق شمال مره ف خندق يمين مغنواتى البلد دى ما يبسط المعازيم شنبات ومخطوطه ف وش حريم وغريب ونايم وهايم بالمره ف الدار هذا الوطن للإيجار بدولارك اديكا يا جرح نايم ف قلبلى حدوده مالها حصر " وأنا بنهزم ف الهزيمه وانهزم ف النصر " من صرخه قلبى يفور ينزع جدور الكافور على كل بيت فى الكفور كان فيه وطن يا لوز وقت المحن بيفوز ولا كانشى صوتى يعوز دلوقتى صبحوا جوز والنعل فابريكا هاللو يا امريكا البنت كانت بهيه وجرحها ف ياسين جميزه شاخت وتك الجرح صفصافه طلعت بواكير البنات فوق الترب خمرى لا أكلت تمرى ولا شبع الرغيف م الفم كان ليا عم جبان جبان وعجوز علمنى كيف المستحيل ع الحل صوته يجوز كان ليا عم فى برطمان أراجوز فاوض جميع الأمرا ف الخماره وحلف بدينه وكتابه وكل ايمان له ان الخلاف فى الرأى ما يفسدشى للود طلعة بهيه أو صفيه العمشا وان المسائل تمااااااااااااام كل الأمور ح تروق بس العيال فى البلد دى ما يفهموش ف الذوق وان الرسول قال لنا خير الأمور الوسط وف القطاع الوسط وف النزاع الوسط وأنا بقولها بصراحه أموووووووووووووووووووت ف حل الوسط فلا اليمين إتباع ولا اليسار إنصياع لكننا يا بتاع دولة يمين ووسط مواردنا حبه وع الآخر يادوب سرسوب والشعب نايم ف وادى وبطنه بالمقلوب فلا بالكفاح المسلح خطنا عرفناه ولا بالنقط ع المسلح العميا حدفت طوب يا ميت ندامه على الجار اللى ماله جار يستعذب النار اللى فيها وما يقول أخ لكن يقولها أخ من غير نقطه مش قلت ليكوا يا ناس ان القضية كبيره مش مسألة غزه ولوكيربى والحيره المسألة شيله مش عايزه هيله بيله بل عايزه شد الحيل ونفس وصبر طويل مع كاس على حجرين تبقى الحقيقة تماااااااااااااااام والوضع ف البلموتى وسلم لى ع المترو يا مين يدوق نعيم البرش للسجان حين ينطلق دخان سيجارتى بحريه مكتومه يرسم عيالى وأمهم على طبليه برجلين على لحم دمور المحله وعضم مش دبلانه يا مين يحفظ للعيال نواميس ماهيش للمرايل خالص مفيهاش أنا أطول من عمر مفيهاش أنا أقصر من أمل ولا فيها صقر قريش ولا حطه بلطه بدقن قطه وكلب " غاب القمر يابن عمى ... قوم وروحنى " ما تكونشى بلدى اللى جدرانها تجرحنى ... " ما بين الأقواس هى سطور شعريه للشاعر الكبير الراحل / عبد الرحمن الأبنودى " لذا لزم التنويه .. وتلك القصيدة كتبت وقيلت بمعرض القاهرة الدولى للكتاب عام 1998

أقرأ أيضاً

قصائد للشاعر/ أبراهيم خطاب