الشاعر الكبير الأستاذ/ ابراهيم محمد خطاب
ابن الدلجمون بكفر الزيات
ابن الدلجمون بكفر الزيات
الوحدة
حصان بيجرى
وانا برسم
ف الفضا
بدخان السيجارة
عصفورة بجناحين
ونهار
وشموستين
و
عيل
على صدر امه
ف رضاعته
بقول ياعين
وعم سلامه ماشى
رغم ان الحاله
واقفه
ع الصحه
ما تتعافاشى
يابو ساعه
لسه واقفه
بندول الدنيا
ماشى
ف عيد
مالوهشى وقفه
خالتى اسمها ايه دهيت
مخاصمه
اسمه ايه
والحاج شيكاره الاعمى
بيشاور لاسمه ايه
علشان
ياخد بإيده
للشارع
اسمه ايه
عربيه فجأة
صرخت
إنبل البنطلون
وعم شيكاره
راقد
جسمه
على رصيفين
فبص اسمه ايه
وصرخ
ف اسمه ايه
وكتب
ارقام كتيره
وضحك منه
اسمه ايه
وعم شيكاره الاعمى
غطوه
بقش رز
لما اسمه ايه
يجيله
ويسأل
اسمه ايه
عربيته
كان لونها ايه
ونمرة رقمها ايه
والساعة
كانت ايه
والسرعه
قد ايه
وعم شيكاره الاعمى
فتح
على باب كريم
بالفتاح العليم
والرحمن الرحيم ..
من ديوان شعر الوحده تحت الطبع
أقرأ أيضاً
هناك تعليق واحد:
هكذا يكون الشعر بتقنياته المبكره واطروحاته ودرامته الممزوجه بالصوره والخيال معا الأمر الذى يحقق الدهشه والمتعه معا من خلال تراكيب لغويه تبدو بسيطه رغم عمقها
إرسال تعليق