الشاعره ناديه زكى
أستاذه الخط العربى بالأزهر وحصلت على العديد من الجوائز وشهادات التقدير من بيوت ثقافه متعدده وصدر لها ديوان دعوه للحب فى 2019 وديوان همس الندى 2022
كتير ادارى فى شوقى وحنينى
دموعى تجرى وتكشفنى عينى
احتار ف امرى واتوه فى حالى
والسر قولى ازاى اشيله
اقول شويه صبرك عليا
فى لحظه تيجى قدام عنيا
وتقول كلام حب وغرام
من غير شهود هما دليله
والسر قوللى إزاى اشيله
وروحى فيا تقول قوليله
عشان ده يعنى على وشى باين
وف دمى سافر عدى الكماين
من قلبى يهتف سمع مداين
يتعبنى سره فى يومه وليله
والسر قولى ازاى اشيله
وروحى فيا تقول قوليله
استنى بكره هو يجينى
يمكن يفضفض أنه شارينى
ويحس مره بعذاب سينينى
والحزن كله بهواه يزيله
والسر قولى ازاى اشيله
وروحى فيا تقول قوليله
ياعينى ده انتى وقلبى منى
طب ليه تذيعى وتخالفى ظنى
وتخلى قلبى فى الشك يبنى
ياويله قلبى منك ياويله
والسر قولى ازاى اشيله
وروحى فيا تقول قوليله
أقرأ أيضاً
ليست هناك تعليقات:
إرسال تعليق