 |
الشاعر/ عيد على حميدة مدرس أول لغة عربية وكبير معلمين لدى مدرسة مصطفى صادق الرافعي الرسمية للغات وشاعرومحررصحفي نشر له العديد من المقالات والتحقيقات الصحفية والأشعار في العديد من الصحف والمجلات داخل وخارج مصركما عمل محررا صحفيا بالصحف والمجلات |
ياولاد بلدنا قولوا.....قولوا معانا
مرحب رمضان......هل وجانا
قيدوا الفوانيس وافرحوا ياولاد
أيام رمضان .....كلها أعياد
قرٱن وصيام.....تراويح وقيام
مااحلى أيامه.....كلها خيرات
وللا صيامه.....ذكر وحسنات
وحوى يا وحوى.....أيوحه
أبواب الخير......فيه مفتوحه
أما الجنه......فيها نتهنا
فاتحه الأبواب.....مفيهاش بواب
تلاتين ليله.....سبحة رمضان
هيلا هيلا هيلا.....يللا يا جدعان
شمر واتعب.... علشان تكسب
واياك تغتاب.....وتكون كداب
وساعتها الصوم.... رح يبقا سراب
وبلاش أفلام ....فيه وغناوى
وكفايه عليك.....المنشاوى
الشيخ رفعت ...والطبلاوى
والنقشبندى....كمان موجود
لو كنت مشتاق......أو غاوى
وشيوخ غيرهم...... في المحروسه
مصر الإسلام.....مليون بوسه
عايشين حالفين.....نفدى ترابك
هنصوم رمضان......وهندعى كمان
المولى يبارك..... أعتابك
ولا يقفل أبدا......أبوابك
يحفظ دايما......الجيش والشعب
ونهد جسور.....ونخطى الصعب
وسنين وايام......هنعيش فى سلام
مصر بلدنا.... دايما فى القلب
ويجينا العيد ......والكل سعيد
تهليل وصلاه.....وغنا وزغاريد
أقرأ أيضاً
ليست هناك تعليقات:
إرسال تعليق