الشاعر/ عماد البدرى ابن الدلجمون بكفرالزيات
ميغركيش الضحكه في ملامحي
كل الوجع سكينه في ضلوعي
إزاي سامحتك وانتي ماتسامحي
ميغركيش الصحبه واللما
كل الحكايه كله بيواسي
ومتفهميش لو قالو إيه هما
ولا حد فيهم حس إحساسي
فمتسأليش
فمتسأليش من تاني عن حالي
متدمعيش لو جابو يوم سيرتي
ماانا جوه حضنك كنت متداري
غريب ونار غربتي انتي
فمتظلميش
فمتظلميش وتزيدي في همومي
قلبي خلاص م الجرح مستكفي
متصدقيش وتكدبي لومي
دا لوم الناس ياحبيبتي مش مخفي
مشتاق لصوتك بس
مشتاق لصوتك بس
يندهلي
علشان أعيش
ليست هناك تعليقات:
إرسال تعليق