الشاعره ناديه زكى
أستاذه الخط العربى بالأزهر وحصلت على العديد من الجوائز وشهادات التقدير من بيوت ثقافه متعدده وصدر لها ديوان دعوه للحب فى 2019
فجأه لقيت قلبه ساكننى
عشقنى وعشقه مجننى
قال شبيك وكمان لبيك
ببساطه لقيته بيحملنى
أنا طرت معاه وفردلى جناح
أنا مركب له وشراعه براح
دندنت وقلت ياريت مابديت
ماانا اصلى مشاعرى بتأسرنى
جيباله بخور وألف وادور
عزمت عليه أيام وشهور
مغرم ولهان وف عشقه جنان
واحترت ازاى اصرف جنى
ليالىنا غرام روميو وجوليت
وعشقت الشعر ف وقت ماجيت
تصرخ فيه روحى يدوب كلاكيت
والاقى الجنى محضرنى
الشعر بينطق من غير صوت
لو بطلّناه حنطق نموت
أوزانه خفاف عله وزحاف
واحبه مهما بيتعبنى
فرداله مشاعرى لوحه بيحييها
احزانى وفرحى بيترجم ليها
واوعاكوا تقولوا أنا بكتب شعر
أنا اصل الشعر بيكتبنى
ليست هناك تعليقات:
إرسال تعليق