 |
| الشاعره أماني السيد العطار |
|
يالي رايحين للمقابر
بلغوهم منى السلام
بلغوهم قلبي صابر
بلغوهم إنى لسه
جنين محتاج للأمان
وإن مهما زمانى يقسى
بيهم يشع حنان
يالي رايحين للمقابر....بلغوهم منى السلام
بلغوهم النهارده
جالهم شاب.....
إسمه إسلام
شاب عاش لبعد موته
شاب صوته ......
زلزل كيان
يالي رايحين للمقابر ...بلغوهم منى السلام
وجوه قبره سمعوهم
صوته بأجمل أذان
عرفوهم إن صوته
عطر جوه الويدان
ولما يصيبه سكوته
صورته هدى للعطشان
يالى رايحين للمقابر....بلغوهم منى السلام
إشهدوا ...وشهدوا
عليه جدران الجوامع
إشهدوا ....وشهدوا
ألف قلب وألف سامع
إنه كان بالإيمان
قلب بيملا المسامع
نبضه بيشع حنان
يالى رايحين للمقابر.....بلغوهم منى السلام
ليست هناك تعليقات:
إرسال تعليق