بحاول هنا أحلل كلمات سيد حجاب التي اتبعت تقنية الأرابيسك في الكتابة، بنحت كلمات قد تكون متضادة أو متكاملة رغم اشتقاقها من نفس الجذور الأبجدية، تماهى معاها عمار الشريعي بلحنه اللي اداها الحركة وخلاها كائن ماشي على رجلين، عشان تعبر الكلمات مع اللحن بعبقرية منقطعة النظير عن فلسفة "الأرابيسك" وشخصية حسن النعماني المصرية الخالدة.. معاني عميقة نحتها سيد حجاب بأزميل، عمل محدداتها ورسمها بالقلم الرصاص، وجه عمار الشريعي لونها ونفخ فيها من روحه.. أتمنى أكون وفقت، وأتمنى تستمتعوا
كلمات أغنية مقدمة مسلسل أرابيسك للرائع سيد حجاب
وينفلت من بين إيدينا الزمان
كأنه سَحبة قوس فى أوتار كمان
وتنفطر ليّام.. عقود كهرمان
يتفرفط النور.. والحنان.. والأمان
وينفلت من بين إيدينا الزمان
الشر.. شرَّق وغرَّب.. داخل لحوشنا
حوشوا.. لا ريح شاردة تقشقش عشوشنا
حوشوا.. شرارة تطيش.. تشقق عروشنا
وتغشنا المرايات.. تشوش وشوشنا
وتهيل تراب ع الهالة والهيلمان
وينفلت من بين إيدينا الزمان
الغش طرطش.. رش ع الوش بُوية
ما دريتش مين بلياتشو.. أو مين رزين
شاب الزمان.. وشقيقى مش شكل أبويا
شاهت وشوشنا.. تهنا بين شين وزين
ولسه ياما وياما ح نشوف كمان
وينفلت من بين إيدينا الزمان
أقرأ أيضاً
ليست هناك تعليقات:
إرسال تعليق