 |
| الشاعر والملحن الأستاذ/ طارق شعبان عبد الله ابن كفرالزيات |
كفيف بيشوف بنور قلبه
بصير مات الضمير جواه
ومين بس اللي شاف ذنبه
ماتيجي نسلم النيه
ونرفع ف السما كفوفنا
لا دايمه ليك ولا ليا
كتير بيمروا بظروفنا
وآآآه الدنيا وخدانا
وآآآه أيامها سرقانا
بتاخد عمرنا وتجري
ونجري وهي سبقانا
ماتيجي نسلم النيه
ونرفع ف السما كفوفنا
لا دايمه ليك ولا ليا
كتير بيمروا بظروفنا
مع الفجر اللي بيشقشق
مع أول شروق للشمس
مع الصوت اللي بيزقزق
علي الله انت سيبها وبس
ما تيجي نسلم النيه
ونرفع ف السما كفوفنا
لا دايمه ليك ولا ليا
كتير بيمروا بظروفنا
علي الله حكايتنا
أنا وانت وغيرنا كتير
بيسمع ربي شكوتنا
وكرمه علينا والله كبير
ماتيجي نسلم النيه
ونرفع ف السما كفوفنا
لا دايمه ليك ولا ليا
كتير بيمروا بظروفنا.
ليست هناك تعليقات:
إرسال تعليق