الشاعرعلى عبد الرحمن الشرقاوى
عضو النقابة العامة للصحافة والاعلام له كتابات ومقالات نشرت بالجمهورية و روزاليوسف والرأى وغيرها وابن كفرالزيات
نداء
لجميع اللاعيبة فى الأحزاب
السياسية
والجمعيات الأهلية والخيرية
ولأصحاب الألقاب الوهمية
اللى مسمى نفسه سفير
واللى ينادو عليه بوزير
اللى زهقنا منه كتير
والدكتورة والدكتور
والسنيورة والغندور
واللى بيحلب لسه الطور
واللى يقولك وسط اللامة قولى
يا باشا
واكل عقل الناس ببغاشة
مسمار مقطوم من غير كماشة
واللى بيحلم ياخد كرسى فى
انتخابات
اللى كلامه يصدع حتى الاموات
واللى يجيب للناس فى تشنج
وإلتهابات
واللى عامل لى رجل أعمال
تحسبه بيه والعقل عيال
فاكره يمين و لكنه شمال
عايز انصحكم بس نصيحة
كلمة هاقولها عربى فصيحة
قبل ما تبقى يا سيدى فضيحة
كفايكو تصوير ف المؤتمرات
داحنا شبعنا سنين مرات
حركاتكم نفس الحركات
فين اللحمة و فين الرز
كارو بتعمل لاند كروز
تعمل منفذ تاخد لقطة
يا اخى ١٠٠ طظ
ليست هناك تعليقات:
إرسال تعليق