1
واقف
على شط البحور
عصفور .. و.. شجره
سطرين كلام ..و.. كتاب
و
ليل
إسكندريه يعضنى
ويكسّر ..
الباقى من العمر
الجميل
و..
الفجر
جى بيرتعش
و.. بيكتوى بالزمهرير
يرمى فى سدرى سكرتين
للموت
و
سَكره للميلاد
و.. أنت
يافجر إسكندريه
بترتعش
وبتلقط الطفل اللى
جايك من تراب الريف
بتعرى جلاليبه
القديمه
.. تطهره بالنور
فيقع بلا قومه
لساك بتنده للبنات
و..
تعرى فخدينهم..
و..
سراولهم..
و..
أحزانهم..
فيطير ملاك النطفه
ف أرحامهم
ويغنوا للتوهه
لساك
وأنا
شبل لسه بيشتكى
م الغربه
جلابيته لون الطمى
و..
الخضره
عيونه مليانه بحنين
ينده: ياخال
من طمى بحرى للجنوب
يتبص بعيونك
وبتنده الأزمان
بتغنى للجميزه
..و..الساقيه..و.. شجر السنط
و..
عيدان الحطب
للكَلّه ساعة اللمه
ع المناديل..
لبهيه أختى ..و..جرة
الميه...
و..
رى العطاش
..للنار ..و..
القيله
و..
حواديت الولاد..
لساك
لساك
ياطفل
ف ليل أسكندريه بترتعش
2
شايل
على كتفى همومي
و..
ليل مروح
كإنهم طفل الخطيئه
كرّاسى فاضى
عيونى مطفيه
بأغطس وأقب
بأرمح شقا
بنده
على نهود البنات
: أنا واد سكنّى
البحر
مرخيه درعاتى على
جنابى
و..
سترتى مفتوحه لليل
والنسيم
بتخشنى الدنيا
تسكن فى قلبى أرتعش
فأتوه فى غيبوبة
حنين
تسبح عيونى ف البلاد
تقرى عيون الولاد..و..
الشجر ..و..الطير
و..
تغنيلى : ياطفل
و
شط
ياحلو أنت البحر
وأنا الناى الحزين
شايلنى حتة ولد
..مسكون نحيل
يرقص بى تحت الليل
يسكن ف أطرافى
فتقب من بيرى الحبيبه
تنده
: يا حلو أنت البحر
يا بحر أنت الروح
وأنا سكن.... لك
وأنت سكن... لى
أمته حتبدى.. بى
أمته حتنهى.. بى
قوللى .. مكان..
و..زمان.. قيامتي
و...
مكان..
ميلاد البحر
3
جسمى
"عباية قش"
جميزة
وطن من الحنة
بيعش فيه الطير
"عدرا"
بيقتلها المخاض للطين
.. و..
لطبة الموازين
جسمي" يمامة
صيف"
تفتح عيونها في
بؤ نه
يخشها الصمت الجليل
بالنار
و..
روايح التيل والليمون
و..
بدا يع الصفصاف
و..
أغصان الزيتون
و..
الخضرة لما تهل
ف الغيطان
و..
مفاتن الرمان
و..
البركه في لون
الرغيف القمر
..لما..
يلعب بروحه
تحت قمصان البنات
و..
يكحل الرمشين
و..
يعد خشابات السما
السبعه
يخطى مليون عتب
يم................
الغيطان.. و..
الشط
و..
بوبات الجسم..
و.. الشهوه
فتكشّف الرؤيه
" مداين قصور
عمدان رخام
مملكه
للصبايا العريانين تحت السما
ب"عبايه قش"
و..
عيون" يمامة
صيف"
ليست هناك تعليقات:
إرسال تعليق