الدنيا مصالح .. للشاعر الكبير/ عزت صميده ابن دمياط الشقيقه

الشاعر عزت صميده

الدنيا مصالح ياسى صالح والجاى مش قد الرايح وتعبنى كتير كتر التفكير وانا قاعد ادبر مش فالح والدنيا مصالح ياسى صالح الشغل دايما فى النازل وحياتنا صبحت فى مهازل واحنا ياغلابه بنتألم والحال علينا بقى واضح والدنيا مصالح ياسى صالح الدنيا دى زى الغابه وناس كتير فيها غلابه وناس كمان فيها ديابه وناس فى سينمات ومسارح والدنيا مصالح ياسى صالح وكل حاجة فى السوق زادت فى كل سلعه النار قادت وناس ماهيش لاقيه النابت وناس تخزن فى صفايح والدنيا مصالح ياسى صالح الدنيا بالأنسان ضائت وأزمه الأسكان ذادت وناس فى الشارع جت نامت عشان ماهيش لاقيه مطارح والدنيا مصالح ياسى صالح الدنيا دى مش عجبانى ولا حد حاسس بالتانى ومعظم الناس بتعانى وانا خايف تقلب بفضايح والدنيا مصالح ياسى صالح لو كنا عاملين بالقرآن ماكنش دا حال الأنسان وكنا حنعيش في اطمئنان نلقى الأمل ع الكون طارح والدنيا مصالح ياسى صالح

أقرأ أيضاً

قصائد الشاعر أ/ عزت صميده