الشاعر أحمد السبكى أبن الدلجمون بكفرالزيات
يا ولدي إفهم كلامي
بلاش تخاف م المحن
ولا تندب في يوم حظك
راعي. حقوق البلد
ما تفرط في يوم فيها
وعيش كدا محترم
واوعي تخون عهدك
خلي كلامك بحكمه
وبلاش تكون هلاس
وصاحب المحترم
وأبعد عن الهجاص
ولو مفيش لك كلام
إسمع وما تقولشي
غير بعد إذن الكبير
خليك يا واد حساس
الناس يقولوا عليك
راجل و متربي
ويمدحوا فيك كتير
خليك جدع يا ابني
لو حد يوم كلمك
علي حاجه إقضيها
لو فيها صالح يا ولدي
لازم تقوم بيها
أما الغلط لو جابولك
وزنه دهب وياقوت
إبعد. يا ولدي بعيد
عنه ولو ح.تموت
إصحي لكلامي وصحصح
إوعي في يوم تنساه
واقعد وراجع أمورك
واحفظ حدود الله
وخلي بالك يا ولدي
علي امك وإخواتك
وإوعي تزعل في يوم
علي أي شئ فاتك
واكرم صحابي وجيرانك
وانصف المظلوم
ح.تعيش سعيد طول حياتك
ولا لحظه تكون مهموم
وحق جارك وبيتك
لازم تقدرهم
لو حد منهم شكي
في الحال تروح دارهم
واعرف فين المشكله
وقوم وصلحها
وان يوم لقيت فيه تعب
واجب تقدرها
ساعتها كل البشر
.تشكر وتحترمك
ويقولوا فعلا أبوك
من أدبه وصلك
يا حبيبي كلمه أخيره
ضروري تعرفها
إللي يصون عهد أبوه
وكرامته يحفظها
ويقدر الناس ويحفظ
كل مشاعرهم
ديما يعيش محترم
هناك تعليق واحد:
موال جميل يستحق أن يغنى
إرسال تعليق