الشاعر/ عماد البدرى ابن الدلجمون بكفر الزيات
أنا منك
ومش ليكى
أنا العايش مابين حضنك
ومش حاسس أمان فيكى
انا التايه ما بين حُبك
وبين شوقى ف لياليكى
أنا العصفور وفين غُصنك ؟
ماليش مرسا انا فيكى
أنا المسجون
ما بين جدرانك العاميه
وبين النظره فى عنيكى
أنا المولود عشان يقسا
وما اتمناش قسا ليكى
أنا الصوره اللى مكسوره
عشان ملهاش مكان فيكى
أنا الضحكه اللى مكتومه
عشان الفرح مش فيكى
أنا الدمعه اللى مرسومه
ما سِبتش جرح فى إيديكى
أنا الجثه اللى مدفونه
فى بطن البحر
عشان طينك ما هوش ليكى
أنا الطفل اللى غنالك
أغانيكى
وراجع تانى أقول هالِك
أنا منك
ومش
ليكى
أقرأ أيضاً
ليست هناك تعليقات:
إرسال تعليق