كان فيها معظم
سكانها
طيبين وولاد حلال
ماكانوش بيتعدوا
الأصول
وف صبرهم زىِّ
الجمال
بدون كلل وبدون
ملل
يقدروا يشيلوا
الجبال
فيه مساحه كبيره
بينهم
م الموده وم الحنان
والغريب وابن السبيل
عندنا يلاقى المكان
والتزام الصبر
منا
بِيْحَلِّي مر
الزمان
كل حته تمشى فيها
كنت بتلاقى الأمان
واللى كان يطبخ
بيدِّى
صحن منه للجيران
كنا للعطشانه قُلَّه
لقمه فى بطون الجعان
للعرايا كنا كسوه
طفايات تطفى النيران
كل الناس كانت
بتحزن
لما واحد كان يموت
والعزايم فى المياتم
تشترك فيها البيوت
والحلاوه مانعرفهاش
إلا فى الجميز
والتوت
ولا تلقاش واحد
بيشردح
وبين الناس تسمعلو
صوت
لو فرح عندنا فى
القريه
عند عروسه ولَّا
عريس
من غير دعوه على
التويتر
ولاعلى المدعوق الفيس
كل الناس تلقاها
فرحانه
واللى بيرقص واللى
يهِيص
كنا نعمل زفه ماتعمل
زيها لندن ولا
باريس
والشهامه تبقى
حاضره
فى الصوغير والكبير
والغنى كان فى
التعامل
يبقى حلو مع الفقير
كنا بنسامح فى
كله
أقرأ أيضاً
ليست هناك تعليقات:
إرسال تعليق