 |
الشاعروالكاتب محفوظ بريك ابن كفر يعقوب بكفر الزيات ملحمة اكتوبر العظيمة عام 1973 هي معركة شعب |
علمينى اشوف بعينى دى الروايه
والعروبة تاهت فى بحور الصهاينة ملهاش اى رأيه
والنهايه الرحايه تلف تاكل فى الرحايه
لما عود القمح خضر من دمايه
لما بحر الحقد فرع كام قنايه
والعروبه تايهه فى بحور الصهاينه بدون بدايه بدون نهايه
علمينى اجعل من الكفن النهار
علمينى اجعل من التربه دى نار
علمينى اصنع من الغل القرار
علمينى ارفع عن الموت الستار
علمينى ارجع لملحمة اكتوبر شويه افتكر فيكى النهار
علمينى اضرب لكل الناس مثال
ع الشهامه والبطوله والرجال
يوم ماحطموا خط بارليف المحال
يوم ماضكت للبطل احلى قنال
يوم مارقص الدم يابا ودمع عينى بسقفة سال
علمينى ياحبيبتى علمينى
ومسكينى سلاح كرامتى وحصنينى
وحفظينى الحر لازم يذكر امه بالمحبه والحنان
وطعمينى واوعدينى بوعد صادق اوعدينى
أن سرقت الاحزان فؤادى فرحينى
وان جات الأحقاد فى قلبى طهرينى
وان جات الاوباش فى بلدى
ومات سلاح الحر عندى
ابقى يومها موتينى
ابقى يومها موتينى
أقرأ أيضاً
ليست هناك تعليقات:
إرسال تعليق