الشاعر والأعلامى أ / أحمد محمد زايد
عضو إتحاد كتاب مصر و معد برامج بقناة مصر الزراعيه
ورئيس نادى الأدب بكفرالزيات وابن الدلجمون بكفرالزيات
كان وكان مايبقوش كانين
لكن مجرد رقم وفرق بين زمانين
زمن بعين وحيده
وزمن له ألف عين
لايمكن فيه تلاقى فيه حد له وشين
ولا تلقى الضحكه
صفره ولا فيه الكلمه الشين
ولا تلقى حد أبدا
واقف بين البينين
يا أبيض فيه، يا
أسمر موش خلط بين لونين
كان فيه الناس
بسيطه وف غاية البساطه
لاحد شايف نفسه
ولا واحد فيه الاطه
ولا حدش فيه مكمخ
ولا شال تحت البلاطه
واللى بيحلم بيحلم
غايته بزرين بطاطا
أقرأ أيضاً
أشعار ومقالات أ/ أحمد محمد زايد
ليست هناك تعليقات:
إرسال تعليق