وطّىِ صوت الأنين جواك
لتصحى فيك الميتين
هو انت حِمْل جرح
واحد
لما تحرّك كمان براكين
عاجبك كده حالك
عاملى عكاز وسند
وساندهم بألف وتد
طبيب جراح هنا
ونويل سواح هناك
لما عودهم بيك
انصلب
وانت بِتحْبىِ على ركابك
عاجبك كده حالك
أسد ف الخدمة ب
يزأر
سمعا وطاعة طبعك
وآخر الليل يا
عينى طريح
تنطوى بعضمك على
جلدك
الكل داس وعِلِى
فوق راسك وعلى
كتفك
ولما قولت ف يوم أنا
ما حد بيك دِرى
حلموا وضحوا بحلمك
ومسحوا بالنكران
اسمك
خلعوا قناع البراءة
وبانت ملامح زيفهم
ولا شُكر منهم
جالك
عاجبك كده حالك
ياعم بُص لنفسك
ولو ف العمر مرة
دى اخرة الغُز
علقم
صعيبة اوى ومُرّة
جرّب تعيش ميت
سهل اوى تعملها
ما انت أكيد ميت
وحلاوة الروح بترسمها
إيه حجتك؟ إنك
بتتحرك
غريب طبع حضرتك
ما الحديد بيطير
ويغوص
ويبكى كمان ويزرغط
ووقت العطب بيسكت
مايتكلم
اسكت زيه ما تتألم
مُوت ما انت عايش
ميت
ميتة الجسد أهون
من ميتة ضمير مخاليق
ع البشر محسوبين
رَمِمْ تابوت جسمك
لملم صراخ صمتك
اروى بوداع وَرْدَك
رَتِل جلال وِرْدَك
غطى جفون الجرح
بالدُعا وقول آمين
وَطى صوت الأنين
جواك
لتصحى فيك الميتين
ليست هناك تعليقات:
إرسال تعليق