الشاعره ناديه زكى
أستاذه الخط العربى بالأزهر وحصلت على العديد من الجوائز وشهادات التقدير من بيوت ثقافه متعدده وصدر لها ديوان دعوه للحب فى 2019 وديوان همس الندى 2022
ليه تقول الدنيا وحله
بكره حلو وبعده أحلى
بكره أحلى بيك وبيا
عشت فى دور الضحية
ليلك ليه فارد ستايره
دا النهار فارد ضفايره
امسك فيها دا هيا رحله
بكره حلو وبعده أحلى
غنى واملى الكون جنون
اعصر عل الأيام لمون
مين يطبطب إلا ايدك
ارسم قلب فى العيون
خدها كده تعدى سهله
بكره حلو وبعده أحلى
فك تكشيرة الجبين
فرح القلب الحزين
الشجر أوراقه تفرح
لما يغرس جوه طين
فرعه يعلى لبعد نخله
بكره حلو وبعده أحلى
خلي حلمك في النجوم
عدي ع الصعب وقوم
دا العلام من كل آيه
م نمل شايل قوته كوم
بيت كمان من صنع نحله
بكره حلو وبعده أحلى
وأقرأ أيضاً
هناك تعليقان (2):
روووعة تسلم حروفكم الغالية
قوللى بكره ليه نخافه
هو بكره حد شافه
روعة روعة كلماتك الجميله وهذا الاحساس الرائع لشخصكم الراقى ارق واجمل تحيه
إرسال تعليق