اليوم السبت الموافق الثالث والعشرين من يوليو عام 2022
ثورة الكرامة والاستقرار والحريه وتغيير نظام الحكم فى مصر من نظام الملكية والعبودية والقهر والظلم والاستعباد إلى النظام الجمهوري والحريه والعدل والمساواة والاستقرار
وبهذه المناسبة والذكرى العطره يسعدنى أن أقدم هذه القصيدة المتواضعة للزعيم الراحل جمال عبدالناصر بخصوص هذه المناسبة العطرة
وهي بعنوان (عبدالناصر)
عبدالناصر يارمز البطوله فى حكاوينا
عبدالناصر يارمز التحدى فى ضميرنا
ياللى رسيت العداله للغلابه سنين طوال
ياللى عرفت العروبه إن مافى شئ محال
يا للى فهمت الرجوله للعيال صبحم رجال
ياللى أممت المصانع والمزارع والقنال
ياللى قضيت على الاستعمار والفساد والضلال
ياللى خليت من إيدينا بعد قطعها ألف ساعد
ياللى خليت من عقولنا تأسرك رمزين لواحد
ياللى ولعت الشراره الوطن قام وكأنه مارد
ياللى ضميت العروبه ياللى لميت الشتات
ياللى بعتك رب عالى بعد عهد أحمد مافات
تحمى بلدك تحيى وطنك وف قرارك معجزات
ياللى شتت بوجودك فكر الصهاينه واسرائيل
ياللى أحييت الغلابه فى عصرك والأمل أصبح جميل
الفقير فى وطننا يابا أصبح من بعدك ذليل
ياللى خليت من الذليل جوه عهدك صار اصيل
ياللى هديت اللصوص والإخوان والفراعنه لجل ماتبنى الهزيل
النهارده وطننا يابا قول فيه مليون عميل
اخوان وشيعة وسلفيبن وكل من باعو مصر للانجليز وتركيا واسرائيل
يابن عبده يابن ناصر يابن وادينا الأصيل
مهما كان أملى فى رجوعك صفر يابا مش قليل ...
أقرأ أيضاً
ليست هناك تعليقات:
إرسال تعليق