الشاعرالكبير/ أحمد السبكى أبن الدلجمون بكفرالزيات
يابن ادم عود لربك
واعرف انت عامل إيه
وافهم الموضوع بنفسك
أصل مش راح اقول عليه
واحنا ليه ناسين يابيه
كلنا عايشين في دنيا
كلنا راجعين اليه
والجميع قصر في حقه
قولي يومها ح.نعمل ايه
لما كل الناس حتبعث
للحساب ما بين ايديه
ربنا مظلمش واحد
إقرا قول وعملت إيه
لك صحيفه لك لوحدك
والعمل معروض عليه
إعرف ان الدنيا فانيه
قولي ح.تعيش قد إيه
نفسي ترجع يوم لربك
واعرف انت عملت إيه
توب وإوعي في المعاصي
يوم تعود تندم عليه
الإله من كرمه ديما
يقبل اللي يعود إليه
عود لربك هو يغفر
لو ذنوبك قد إيه
قوم وراجع إيه عملته
واللي فات اندم عليه
يابن أدم عود لربك
واعرف انت عملت إيه
هناك تعليق واحد:
اللهم اغفر لنا ذنوبنا كلها دقيقها وكبارها سرها وعلانيتها مغفرة عامة
شاملة. تامة!/مصطفي دراز دراز
إرسال تعليق