الشاعرالكبير/ أحمد السبكى أبن الدلجمون بكفرالزيات
رمضان يا احلي الشهور
بسرعه ليه ماشي
انا نفسي طول السنه
خليك هنا عندنا
الكل بيحبك
وحياة جمال النبي
فكرت وانا ماشي
ح أفضل معاك لو بقلبي
وتلاوة القرآن
واعيش علي ذكراك
وازيد من الإحسان
وأبعد شرور الزمن
عن بني الإنسان
واقول يارب الوري
عيدوا علينا كمان
ليه بس تمشي بسرعه
هدي بقي شويه
ساعة ما مر اللي منك
والدمع في عنيه
واقف اقول هو انا
حاضر له في القادم
واللا خلاص راح وعدي
مفضلش لي قادم
يارب اكرم عبادك
بالرحمه والغفران
وعود علينا وعليهم
شهر الكرم رمضان
ونكون كدا كلنا
عايشين في رحمه ونور
ويفضل الخير ما بينا
ولا يبقي بينا جعان
والفضل من ربنا
علي البشر.حنان
يارب
ليست هناك تعليقات:
إرسال تعليق