الشاعره ناديه زكى
أستاذه الخط العربى بالأزهر وحصلت على العديد من الجوائز وشهادات التقدير من بيوت ثقافه متعدده وصدر لها ديوان دعوه للحب فى 2019
انت بالنسبالى دايما حاجة حلوة
ذى ضحكه بين كلام
لحنها فى ودانى غنوه
ذى كلمة اكسلنت
فاكراها ساعة ماامتحنت
حاجة حلوة
لما يعشقها الصغار
لما ينطقها الكبار
إنت بالنسبالى معنى ٠٠
إنت بالنسبالى أحلى
حاجة حلوة
زى مج الصبح قهوة
زى حاجه جديدة ٠٠وليهازهوة
زى ورده فوق شفايفى
واخدها انت على سهوة
حاجة حلوة
زى ليل وبعده صبح
زى شجرة وفيها طرح
زى دمعى وقت فرح
حاجة حلوة
زى عشقى لفيلم هندى
مش مترجم بس عِندى
أقوى من فهم الروايه
عايزه أفرح عايزه اغنى
واكتب اللى عايزه عنى
تبقى عندى ٠٠٠٠
حاجه حلوه
زى البنفسج لونه يبهج
رغم إنه حزين وساهى
زى عابد يدعى ربه
بالدموع ويقول إلهى
حاجه حلوه
حاجة حلوة من خيالك٠٠
٠٠من خيالى
قربك إنت بالنسبالى
هو دايما
حاجة حلوة
ليست هناك تعليقات:
إرسال تعليق