الشاعر/ عيد على حميدة
مدرس أول لغة عربية وكبير معلمين لدى مدرسة مصطفى صادق الرافعي الرسمية للغات وشاعرومحررصحفي نشر له العديد من المقالات والتحقيقات الصحفية والأشعار في العديد من الصحف والمجلات داخل وخارج مصركما عمل محررا صحفيا بالصحف والمجلات داخل وخارج مصر
يارغيف العيش ماتفضها سيره
وكفاية بلاش التكشيره
نقصوا وزنك قلنا ومالوا
ٱموا داخلين على حاجه خطيرة
موش عاجبينكم لما "ننقص؟؟!!"
طب" هنزود "في التسعيرة
بدل الخمسه تلف سجاره
عيش أيامك رقص ومغنى
وافرح أصل حياتنا قصيره
إيه يعنى العيش رح يغلا
هات لك"بيتزا"وللا فطيره
اوعى تزعل نفسك تانى
ولا تتأثر ياابن نظيره
عمر حياتك ماهتتغير
ولاهتشوف يوم حاجه مثيره
ارض بعيشتك واحرم نفسك
عيش محروم والحاله فقيره
مش بيقولوا الفقرا ياصاحبى
رح يتهنوا ف جنه كبيره؟؟!
ربك هيعوضهم فيها
احمد ربك.... قول تكبيره
وارمى حمولك على مولاك
هو لوحده جمايله كتيره
ليست هناك تعليقات:
إرسال تعليق