الشاعر/ سامى كامل الرفاعى
شاعر وروائي / عضو عامل اتحاد كتاب مصر و عضو مجلس ادارة نادي ادب قصر ثقافة المحلة الكبرى و منسق اعلامي رابطة الزجالين في الغربيه و مدير عام مجلة اضواء مصر صدر له ديوان شعر " ورده من كل بستان , حصار الحبايب روايه و العشق الممنوع وتحت الطبع ديوان ( صرخة حنين )
وفضلت الطفلة جوَّاها وحبة دمـوع متبعترين
وعاشت الفراشه معانا قيثارة بتسرسب حنين
تنعي عشــق الحــيارا وتــدواي المجــروحين
بقــصايد وجــع مليانه عن موت حقـيقته فين؟
الموت حقيقي خلاصته فـ فراق ناس عايشين
*
الطفله سابتنا وراحت الفراشه في قبر نامت والصالون أخباره إيه المكان بقىَ لونه باهت بس موجود كام كتاب ع الغـلاف الإسم ثابـت المـؤلف نجـوى سالم بس نبرة نجوى غابت * كانت تداري الوجع بطيف ضحكها العالي والشعر كـان متسع لـروحـها اللـي بتعاني دايما تقـول بكتشف إن الضحكه سنـــداني ولمَّا الوجع ينكشف ألاقي الدنيا ضحكالي * لسه كام ضحكه منها نورها قايد شمعدان شايف على صفحتها دعوه في كام أعلان اسم الفراشه بيـتردد فـ الشـوارع كالأدان أم المكارم والشمايل كانـت للـوفا عنـوان * فاكره لَّما جيتي معانا يوم رحلة كوم حماده الحضور فرحوا بلقانا يومها قابلونا بإشاده يومها دورك كان ورايا بس كـان ليكي الـرياده يومها نورك كان حكايا والتواضع فيكي عاده * روحــها الأّن مــعانا عمَّاله بتشرشب شجن بتـقول أنـا حبي ليكم محـراب عبـاده وسكن قلبي الأخضر معاكم أنا بعض مني ما اندفن أدعوا بضراعه الإلّه يمـكن أنـول جنِّـة عدن وما احس ان حبُّي ليكم راح بلاش من غير تمن
ليست هناك تعليقات:
إرسال تعليق