عن محاولات حل اتحاد المساهمين

طبعا كلنا سمعنا وشوفنا المحاولات التى تبذل لحل اتحاد المساهمين وسمعنا اراء المؤيدين والمعارضين وشوفنا ان هذا السجال بين الفريقين تسبب باننا انقسمنا الى حزبين وبقى فيه حساسيات ومش بعيد يكون بقى فيه كره وضغائن بين الحزبين وانا لو ما كنتش عارف الاسباب الحقيقيه كنت قلت ان الاسفين ده اللى حطه بينا همه اعداء ليناواقفين ومستنيين لما نمسك فى بعضنا وبعدين يخشوا يعجنونا وفى الحقيقه برغم الااسباب الى بيقولها المؤيدين للحل انا لم اقتنع باسبابهم وكل اللى قدرت اقراه مستخبى خلف كلامهم وبينه .. ان اللى بيقودوا وبيدعوا لحل الاتحاد اولا / معظم اللى بيقودوا التحركات دى قربوا يطلعوا على المعاش وعايزين يردوا الجميل للشركه ككيان ضمهم واحتضنهم وللاتحاد ككيان ضمهم واحتموا فية ولزملائهم الى اكلوا معاهم عيش وملح ونعم الوفاء اللى بيعبروا عنه برغبتهم الدفينه بهدم المعبد على من فيه همه طبعا مش حيكونوا فى المعبد ساعه ما ينهد ثانيا/ ومعظمهم حاقدين .. ايوه حاقدين على المهندس / سيف وعلى اللى بيحصل علية من صندوق الاتحاد لو مش حاقدين ماكانوش قالوا ده بياخد كذا فى السنه يعنى بيبصوا له فى رزقه اللى حدده القانون لما همه حاقدين عليه وبيغيروا منه ميعملوا زيه ويرشحوا انفسهم من حقهم يحلموا انهم ينجحوا واحنا من حقنا نختارهمه عارفين انهم مش مهضومين ومش حياخدوا الا صوتهم وبعدين دى عينهم تفلق الحجر ربنا يشفية المهندس سيف ويرجعه لينا ولاولاده بخير وبصحه ان شاء الله .. ثالثا / ولقيت الجماعه دول مبيفكروش غير فى نفسهم ومايهمهمش ان الاجيال الجديده ماتاخدش ولا سهم بعد ماينحل الاتحاد .. الشر بر وبعيده رابعا / وبعدين الزملاء اللى بينادوا وبيسعوا للحل ليه مش عايزين يتساوا بزملائهم اللى سبقوهم وخرجوا قبلهم وعايزين يتميزوا عنهم دلوقت انا اوجه كلامى للزملاء اللى ماشيين وراء الجماعه دول واقول لهم احنا كلنا عارفين قيادات حزب الحل والبيع والتفريط كلنا عارفين ان كل هدفهم هو الفلوس يعنى لا مصلحه عامه ولا مستقبل ولا ديولو وانشالة تخرب بعد ما يحلوه ويبيعوا فارجوا من الزملاء الاعزاءالاينقادوا خلف هؤلاء الهدامين البياعين المفرطين فى كل شىء واى شىء ويفكروا شويه ويحاولوا يشوفوا السم اللى فى العسل والفلوس مش كل حاجة القيمه اهم بكتير. خامسا / الاستاذ البير رئيس مجلس الاداره واكبر ملاك الاسهم مش محتاج ال 5% بتاعتنا ولاتاثر معاه واللى عايز يعمله حيعمله وال 5% بتاعتنا مش حتحوشه ولا حتعطله وانا شحصيا بحب الراجل ده على فكره انا عمرى ماتكلمت معاه بس عاجبنى من تصرفاته وقراراته .. انا ساعات بفهم برضه والحمد لله ان ملاك الشركة الكبار والمتحكمين فيها مش .. طماعين .. ولا نصابين .. ولا نهابين قروض .. على فكره وهمه برضه مايعرفونيش .. زيكم بالضبط وطبعا كلكم سمعتم الاشاعه دى ... ان الاستاذ البير فوض احد الزملاء .... مفيش داعى لذكر الاسم لانكم كلكم عارفينه .. قال ايه فوضه وابدى استعداده لشراء الاسهم ب 200 جنيه للسهم .. العالم البياعين دول فاكرينا مبنفهمش .. الحمد لله اننا بنفهم ساعات وعايز اقول حاجه اخيره لجميع الزملاء بالبلدى كده هناك عماره 20 دور.. وانت تمتلك حجرتين على السطوح .. هل يستطيع مالك العماره ان يمنعك من الدخول.. اياكان المالك .. لا طبعا واذ ا حد ث ومنعك المالك .. حتقدر بمستندات الملكيه ان تنا زع المالك .. ايا كان المالك .. وتنتزع منه حقك فى الدخول .. لكن لما تبيع الحجرتين اللى على السطوح .. حتقدر تدخل . او تقدرتشتكى . من منعك من الدخول حتدخل فين ياصاحبى وانت ماعادش ليك حاجه وبعدين المشرع .. اللى وضع قانون .. ونظام اتحاد المساهمين .. اكد على ان تظل نسبه ال 5 % للعاملين بالشركة على طول علشان ميظلمش الاجيال اللى حتدخل الشركه بعد كده وبعدينا انا اعرف ان القانون لا يلغيه الاقانون وانا شايف ان اللى بيحصل ده مش قانونى عايزين راى زملائنا القانونيين ولا همه مع البيع والتفريط يعنى المشرع اللى مايعرفناش كان عايز مصلحه العمال اللى فى الشركه واللى حيدخلوا لسه الشركه .. ازاى بقى نبقى احنا مش عايزين مصلحتنا وكل اللى بطلبه دلوقت من زملائى .. الرافضين للبيع والتفريط .. ان يتكتلوا وياكدوا على بعض لحضور اجتماع الجمعيه العموميه وكمان يوعوا الزملاء اللى محددوش موقفهم .. ويحاولوا يضموهم الى حزب الرافضين .. للحل .. والبيع .. والتفريط .. وانا عاتب على المهندس سيف .. لان موقفه ورد فعله ضد هؤلاء .. البياعين .. كان ضعيف .. ومش حاسم كنت متوقع منه تحرك يتناسب مع اهميه الحدث المهم مش حنتحاسب دلوقت حنتحاسب لما يقوم بالسلامه وربنا يشفيه سلام بقى احسن انا خلاص مش شايف وتركيزى بدأ يقل (اعاده نشر)