 |
| الشاعره أماني السيد العطار |
|
تعازينا القلبيه لوفاع والد الشاعره أمانى العطار ودعواتكم متابعينا الأعزاء له بالرحمه والمغفره
ياكلام مخلوع من نن عنيه
مليون اشمعنا وألفين ليه.. بتطل عليك
صعبه الأوقات الخسرانه لأبويا كتير
بتشيب الدنيا م التفكير
وحضن التفاصيل مافش حنان
يا أمان العمر روحت لفين؟!!
بنادي عليك مابتردش!!!
وبوارِب دمعي لبحر حنين..و الصرخه تزيد ما تتخضش
ياابويا يا أكبر حب انا نولته
يا ابويا يا سكن القلب ليه فوته ....
مايلاقي مسيرته في حضن نهار
ياابويا الحزن مالي الدار
وعتبة روحي بتتفرفت قدام القبر......بكا ونواح
وألمس جدرانه يجوز أرتاح
ياصباح العين ونور الليل
ياعمودي الفقري والأعصاب.....ماليني البرد من دا غياب
والموت سرداب بيخطف منا اعز الناس
ياابويا الشعر م الإحساس بيخاف لينز... مِني جروح
يارفيق القلب وروح الروح.....مش لاقيه كلام أكتبهولك
يسبقني حنيني ف يزورك.......أشواق في اشواق
يا حسرة قلبي عليك يابا
ومليون أاااااااه......
م
ن
ك
مِنك يافراق
ليست هناك تعليقات:
إرسال تعليق