 |
| الشاعر والملحن الأستاذ/ طارق شعبان عبد الله ابن كفرالزيات |
لو يوم غيبنا
كانوا هما الدنيا وحبايبنا
نفرح وفرحهم يسعدنا
ونشوف الحزن ف ملامحهم
احزانهم كانت تكئبنا
واتاري الشوق كان شوق كداب
وتلاهي الدنيا بتبعدنا
اخباركم ايه ؟
عايشين من غيرنا خلاص عادي
بتناموا الليل من غير تفكير
قادرين ع البعد وع الهادي
ومعاكم حجه و100 تبرير
وهتفرق ايه مين البادي
مين قلبه اتعود ع التقصير
هنعيش ونحاول ونفادي
والدنيا هتمشي كمان وتسير
عكازكم دا بناقصه ف إيدنا
وان يوم اشتاقتوا وحنيتوا
عارفين عنوانا ومواعيدنا
الباب مفتوح من غير ترابيس
ومافيش حراس ولا حتي ونيس
ومافيش أجراس على نفس الباب
ولا كلب مقعبز ع الأعتاب
يمنع زيارتكم يوم عيدنا.
أقرأ أيضاً
ليست هناك تعليقات:
إرسال تعليق