أمى .. قصيده للشاعروالأديب الكبيرالأستاذ /عيد حميدة ابن سبرباى بمدينه طنطا الشقيقه

الشاعر/ عيد على حميدة

‏مدرس أول لغة عربية وكبير معلمين‏ لدى ‏مدرسة مصطفى صادق الرافعي الرسمية للغات‏ وشاعرومحررصحفي نشر له العديد من المقالات والتحقيقات الصحفية والأشعار في العديد من الصحف والمجلات داخل وخارج مصركما عمل محررا صحفيا بالصحف والمجلات

لسه فاكر زى

مايكون

النهارده

لما كنتى بتدعى

يامه وانتى

ساجده

ترفع اديكى

وتدعى كل

لحظه

كنتى تدعى

وقتها

والقلب هو

يقول ٱمين

كنتى تصحى م

الأدان

والكل نايم من

ساعات

كل الكلام

أصبح سكات

كل الألم أصبح

فتات

كنت بالمح

شكوتى عندك

آهات

وأما باسمع

ضحكتك

كنت افتكر كل

اللى فات

كان وكنا

وكنتى ياأمى

الحنان

كل دا أصبح

ياأمى ذكريات

لسه فاكر لما

كنت ف يوم

أسافر

كانت الغربه

ف ملامحك

انتظار

لما اغيب

و لو

حتى لحظه من

نهار

كنت اشوف

اللهفه ساكنه

جوه قلبك

كنتى دايما

تعذرى

وتقدرى

لسه فاكر

كلمتك رنه ف

ودانى

ليه ياأمى

معذبانى

لما اقول لك هو

انا عيل صغير

ليه ياأمى

بتقلقى أمرك

يحير

كنتى

بتردى ساعتها

أو تقولى

بالأثر

قلبى على ولدى

انفطر

وقلب ولدى

صار حجر

لما كان بيطول

غيابى

غصب عنى

مش بإيدى

كنت أروح

واسأل عليكى

العتاب كنت

المحه جوه ف

عنيكى

يلحق لسانك

غضبتك

ويقول عفيت

الغضب من

قلبى راح

لما شفتك

عندى جيت

لسه فاكر لما

شفتك

فوق سريرك

كنتى نايمه

كنت فاكرك

يامه نايمه

لما كنتى

بترفضى حتى

الطعام

كنتى بتجاوبى

أو تخبى

عاوزه انام

أتاريه فراق

من غير وداع

هيه لحظه

بنتولد فيها

بمعاد

بس ليه كان

الرحيل

لحظته تكوى

الفؤاد

كف إيدى يقول

مفارق

والندا ف القلب

تايه

ف المغارب

والمشارق

أقرأ أيضاً

قصائد ومقالات الشاعرعيدحميده