 |
| الشاعر/ ابراهيم الملاح ابن شابور و كفرالزيات |
بترغى بالحواديت
تنده جواهر قلبى / قاع النهر
فراشات الحما
تطرح دهب طيب لأنهار البنات
و..
تعشم الموجوع
بروايح الجنات
و..
تطير تصحى الشمس فى عبِّى
تخبى دم القلب
يطلع قمر عشمان ف بنت الروح
يدخل عليها يعدى بأنواره
" عنب طايب
تفاح عسل
شهد الحياه"
عصفور بالف جناح
بيعدى تحت الليل
و..
يسمع ف الشروح
يرجع مدينه
حبة عرق
شجرة نيون
أبنوسه ف إيد العجوز
جوزه وحتتة حشيش فة إيد ولد أرقوز
بنت
بتغنى تحت الليل لوجع الجسد
و.. لجل العوز
تمر ف التيار
تهرب من الأوجاع
و..
تغنى للعالم
يدخلها قمر الحياه
يعبد ضلوعها ونبعها..
تغنى
" مكتوب ع الجبين "
وجعى مدينه بترغى بالحواديت
ليست هناك تعليقات:
إرسال تعليق