 | |
الشاعر والأعلامى أ / أحمد محمد زايد
|
ستات مصر ياساده زمان
كانوا رمانة الميزان
كانوا في الاسره الاستقرار
......
كانوا عواميد شايله البنايات
خبيز غسيل طبخ تلاقيهم
فى الخلايا شغالات
.......
الشمع منهم والعسل
والعمل من غير كسل
فى الحمول زى الجمال
ينضرب بيهم المثل
......
كانوا المال والراسمال
للازواج وللعيال
كانوا اصلاح الاعوجاج
لأى فرع ف يوم إذا مال
......
كان البيت بيهم مستور
ويبات فيه الهنا والنور
مايعرفوش اسم النكد
ووشهم دايما مسرور
......
كانوا ملكات حسن التدبير
مهما يكون الزوج فقير
من لاشىء يعملوا ثروه
ولا عندهم ابدا تقصير
.....
موش شكايات ولا بكايات
ولا كل يوم عايزين طلبات
ولا كل يوم عايزين كوافير
ولا كل لحظه هات وهات
......
غسالتهم طشت غسيل
ودولابهم كان حبل غسيل
والكانون كان مطبخ ليهم
وربى منهم جيل ورا جيل
.....
ع السطوح ربوا الدجاج
عرفوا ايه قيمة الإنتاج
المجتمع ويا الجيل ده
عمره ماعرف الاحتياج
.....
كانت بيوتهم فيها الطحين
والعيش فيها والخزين
والمش فيها والمخللات
والسمنه والزيت والبروتين
.....
كانوا وزيرات الاقتصاد
للازواج كانوا العماد
كانت البيوت من غير كهارب
وف الظلام بيهم تنقاد
أقرأ أيضاً
ليست هناك تعليقات:
إرسال تعليق