الشاعر والملحن الأستاذ/ طارق شعبان عبد الله ابن كفرالزيات
أيام الشتا والبرد
فيها اللي متعري
والليل سكونه مخيف
الذكريات تتعاد
للمه بعد العشا
نسهر ف عز البرق
والضحكه سهرايه
مونسه السهران
والشارع الساكت
فيه النجوم بتقيد
بتطل م الشبابيك
نحكي ف حكاوي نشوف
الفجر بيشقشق
وكأننا ف العيد
نلبس كياس ع الجزم
ونمشي ف الوحله
ويا محلي لمبه جاز
ويا أحلي بيت بالني
أبوابه مفتوحه
زواره رايح جاي
كان الزمان أحلي
نستني ليلة العيد
ونقابله بالزفه
آه يا وجع ليام
ليه مالت الدفه
صلة الرحم محتاجه
مقويات ف الدم
يمكن فيوم نتلم
يمكن صلاة العيد
تجمعنا يوم تاني
وقلوبنا تاني تحن
نسهر مع الحاضر
ونفتكر ماضي
كان لينا أب وأم
وبيت بيجمعنا
شاهد مع الأيام.
أقرأ أيضاً
ليست هناك تعليقات:
إرسال تعليق