الشاعر والأعلامى أ / أحمد محمد زايد
عضو إتحاد كتاب مصر و معد برامج بقناة مصر الزراعيه ورئيس نادى الأدب بكفرالزيات وأبن الدلجمون بكفرالزيات
فى القريه كان فيه زمان
فيها راجل ينادى ويقول
بنبيض النحاس
ويلم حلل القريه
ويشيلها فوق الراس
وعشان يبيضهم
يفضل يومين محتاس
تبقى الحلل حمــــــــــرا
مخضره بالجنزار
متسخه ومطوِّسه
تسىء لأهل الدار
يروح يعلق كور
علشان يقوى النار
والحلتين فى إيدو
بياخدو نص نهار
يفضل كدا يصنفر
فى الحله وفى الطشوط
وبعد مايبيض
ييجى بيهم ع البيوت
ونستلم ونعاين
نلقى العمل مظبوط
ونشكره ع العمل
ونحاسبه بالسحتوت
واهو النحاس انقرض
والمهنه اتلاشت معاه
وعليه يعوض الله
ولا عدنا راح نلقاه
ولا أى شىء ح يدوم
إلا وجـــــــــــه الله
أقرأ أيضاً
ليست هناك تعليقات:
إرسال تعليق