الشاعر والملحن الأستاذ/ طارق شعبان عبد الله ابن كفرالزيات
صدقت كل الناس خلاص
أنك حقيقي كرهتني
وان اللي بنا من الأساس
تكسب وهخسر لك أنا
من حبي ليك فوقتني
ذاد العدد في قاموس خيانتك ولا قل
دور وشوف أسمي كدا
شوف ذكرياتك وانت فيا بتستحل
وبتحكي عني لدا ودا
كان لغز بس لقيت له حل
وبأيدك انت ساعدتني
غيرتني من ضعف كان احتلني
احتل عمري وفرحتي
احتل أيامي اللي جنبك عيشتها
وبموت معاك من كسرتي
متأخره ساعة الفراق لكن دا يمكن وقتها
حبك كابوس كان كل ليله انا بحلمه
وكتير فشلت افسره
من فعلك أنت قدرت بس
بأيديا منك احرره
مابقيتش تاني تهمني
وان كان ما بنا حاجه تانيه تخصني
هديه مني دي جايزتك
أنك قدرت وخنتني
تكسب وهخسر لك أنا
من حبي ليك فوقتني
ذاد العدد في قاموس خيانتك ولا قل
دور وشوف أسمي كدا
شوف ذكرياتك وانت فيا بتستحل
وبتحكي عني لدا ودا
كان لغز بس لقيت له حل
وبأيدك انت ساعدتني
أبعد ومش هيأس ومل.
ليست هناك تعليقات:
إرسال تعليق