الشاعر/ عماد البدرى ابن الدلجمون بكفرالزيات
كنت سايب حضني بيتك
كنت بارويكي الحياه
زي موجه ف بحر تايهه
كان أمالها ف طوق نجاه
زي نني ف عين رموشي
جوه عينك منتهاه
إحتويتك
كنت رسمك بين ضلوعي
نار بتشتاقها الشموع
بس نارك لما زادت
كانت أقوى م الدموع
كنتي قاسيه حقيقي لكن !
روحنا مشتاقه الرجوع
إحتويتك
وانتي بتسيئي الظنون
رغم إنك واثقه جدا
إستحاله ف يوم أخون
ياحبيبتي كوني عارفه
إن قلبي لسه عايش
والسبب في النبض همسه
كان واخدها م الشفايف
إحتويتك
خدتي روحي وسبتي روحك
وإحنا روحنا ف دنيا واحده
وانتي بتزيدي ف جروحك
جرح نازف واحده واحده
كل ده وبرغم جرحي
إحتويتك
... عماد البدرى ...
6/8/2020
أقرأ أيضاً
ليست هناك تعليقات:
إرسال تعليق