الشاعر/ ابراهيم الملاح ابن شابور
مقاطع
.......
1/
قلبى بينهج
و
ضلوعى طالعه نازله من الأوجاع
والخلق
قاعدين يبكوا عليه
_ على ميت حى _
الدنيا رمياه
والأخره طرداه
و
عيونه دايره بتقرى فى السماوات
بتدور على روحه
...........
...........
2/
عرقى بل هدومى
و هدومى دبلانه
و أعز أحبابى
من أولادى
مراتى
أأهلى
أصحابى
بيغنوا فى وادى
وانا وحدى فى وادى بقرى الورد
و
بنادى على الأخره
...........
...........
3/
البنت
اللى عشقت عيونها زمان
جيالى بعد فوات العمر
و
بتنده على جسدى
وانا
عودى هربانه منه النعمه
شايلينه على الخشبه ومسافرين
و
الروح فطسانه من الضحك
و
طايره يم فراغ حر
ليست هناك تعليقات:
إرسال تعليق