الشاعر والملحن الأستاذ/ طارق شعبان عبد الله ابن كفرالزيات
لا عاد فيا نفس ولا حيل
بقيت علي ضلي مايل ميل
تغوروا ياصحبه كدابه
ولو مكفوف ف عز الليل
أمنت كتير لناس ياما
ماشفتش غير أنا خيانه
ودمعت حسره ف عينيا
ولو ع الحب انا حبيت
وحبوني كتير علي غش
جراح علي غدر وأذيه
بحبك يا ما قالوهالي
وكنت بطيبه اصدقهم
أتاري الكل كان واضح
وخاني بجد مبدئهم
هعود قلبي ع القسوه
واكون قاسي
واجرب إني اجرحهم
واعيش ازاي؟
هاعيش عادي واكون ناسي
ومش ممكن أصدقهم
عيوني شافت الأفعال
يبيعوا الأصل بتفاهه
ويختاروا ف ناس أندال
راح ابعد بس بنزاهه
وهارجع لا دا يبقي محال
مافيش ف الدنيا شئ باقي
غير السيره وراحه البال
تدور الساقيه والساقي
ومش باقي هقاطع كل أشواقي
ولو قلبي ف يوم هيحن
هضمه لصف أعدائي
ساعات الوحده بتريح
قرار الوحده دا نهائي
مافيش بنا وصال تاني
ومين مجني ومين جاني
ماهش فارقه خلاص بنا
ليست هناك تعليقات:
إرسال تعليق