الشاعر والأعلامى/ أحمد محمد زايد
عضو إتحاد كتاب مصر و معد برامج بقناة مصر الزراعيه ورئيس نادى الأدب بكفرالزيات وأبن الدلجمون بكفرالزيات
رمضان وبعوده على الصايمين
والكل مصمم ع التخزين
وح يملأ الجيب والسياله
بالجوز واللوز والقمر الدين
....
وح يملأ البيت من اول يوم
رز وأسماك وفراخ بالكوم
وان قلنا كفايه الناس بتزوم
....
ويقولوا زمان كان خيرو كتير
ويعيدوا الكلمه بدون تفكير
مع أن زمان مافيهوش تبذير
والطبخ زمان كان ع الكوانين
...
ولا فيهش محمر ومشمر
ولا لحمه ولا رز معمر
ولا ناس ع العيشه بتتبطر
والكل بيعطف ع المساكين
...
وعلى الطبليه مافيش علاطول
غير حتة جبنه وطبق الفول
ناكل ونقوم ع الصلا علاطول
ونعود م الصلا جامدين شاكرين
....
لكن احنا بقينا ف شهر الصوم
بنعبى المعده سمك ولحوم
وبنتقل ولا نقدرش نقوم
وف شهر الصوم نصرف ملايين
ليست هناك تعليقات:
إرسال تعليق