الشاعرالكبير/ أحمد السبكى أبن الدلجمون بكفرالزيات
ليه تجرحونا بجهلكم
ليه تحرجوا ناس زيكم
ويمكن احسن منكم
هي الإعاقه دي مننا
مش احنا خلقة ربنا
ليه تحرقوا بقي دمنا
رب العباد وبقوته
في لحظه تلقي حكمته
وقضاه عليكم يبقي نار
وأكيد ح . تبقوا زينا
بعزيمه نحصل ع.الكتير
مش بالوسايط؛ بالضمير
شهادات كاسات ودا شئ قليل
كله بعزيمه مننا
والقوه جات من ربنا
ليه التنمر ع.العباد
راعوا شعورنا في البلاد
طه حسين كان العميد
كان فيه أعاقه زينا
وفيه شباب وفيه بنات
نالوا كاسات وتكريمات
علوا رياتنا كتير لفوق
رفعوا لروسنا كلنا
وكل دا من ربنا
حقيقي أصحاب الهمم
ويعرفوا حفظ الذمم
ولا مره خانوا عهدهم
والفضل كله لربنا
رساله منهم للجميع
كل اللي شاري ليه يبيع
إحفظ شعور كل العباد
ليه التهكم مننا
راعوا شعورنا كلنا
ليست هناك تعليقات:
إرسال تعليق