الشاعر/ عماد البدرى ابن الدلجمون بكفرالزيات
غربة روح
منين مبا روح
صورتها تملى شغلاني
ومش مجروح
عشان الروح
دي ساكنه جوه أحضاني
تغنيلي. أغنيلها
ماأنا حافظ مواويلها
وهي كل وجداني
تفضفضلي أكون سامع
وأقول عادي مافيش مانع
ومين في العشق بيمانع
كلام. البوح
يا غربة روح
هغنيلك
ماأنا عاشق مواويلك
أنا تايه ف لون عينك
وبفرح لما انا ديلك
ونطوي جروح
يا. غربة روح
بحب الدنيا من أجلك
عشان العدل كان عدلك
بتنزف روحي من حبك
ياروح. الروح
ياشمعه منوره شموعي
يا ساكنه روحي وضلوعي
يا أحلا كلام ف موضوعي
ياقاتله النوح
يا صوره جوه بروازها
وبالإحساس أنا حاسسها
لكني بإيدي بالمسها
بشوق. مجروح
يا غربة. روح
تعالي إحكي مواويلك
عشان ليلى دا غير ليلك
وكان نفسي اغنيلك
وصعب البوح
خليكي تملى ويايا
وحسي إن انتي جوايا
دا كل منايا وهوايا
منين مبا روح
يا غربة.
ليست هناك تعليقات:
إرسال تعليق