الشاعر/ عيد على حميدة
مدرس أول لغة عربية وكبير معلمين لدى مدرسة مصطفى صادق الرافعي الرسمية للغات وشاعرومحررصحفي نشر له العديد من المقالات والتحقيقات الصحفية والأشعار في العديد من الصحف والمجلات داخل وخارج مصركما عمل محررا صحفيا بالصحف والمجلات داخل وخارج مصر
هو انت ياقلمى بتكتب ليه؟؟!
علشان توصف حزن كبير
جواك مداريه؟
وللا عشان قادر تحكى عذابك
وانت لوحدك حاسس بيه
بتفضفض بس مع الأوراق
وبتحكى ساعات حب وأشواق
طب إيه فايدة إنك تحكى
والأوراق بتقول لك إيه
طبعا لا هنتكلم ولا هترد ف لحظه عليك
بس حقيقى برافو عليك
إنك لاقى اللى تفضفض له
هو صحيح سامع شكواك
بس ماهوش هيرد عليك
زى كتير عايشين في الدنيا
كل حياتهم يحسدوا فيك
وان فكرت تعاتب واحد
يزعل منك ويبكيك
كل الحبر ياقلمى بتكتب بيه
عمره ما يوصف شئ جوايا
فرحة ونوحى وكل أسايا
لو كان البحر مدادك
زى ما رب الكون بيقول
ووراه ميت بحر بيبعتوا ليه
عمره ما يقدر يوصف شئ
عمره مايمسح لحظة ضيق
وبرغم كلامك مش سامعين لك صوت
يمكن زى ماكل الناس بتقول
إن سكوتك أغلى ما فيك
صمتك دايما هو كلامك
برضو سكوتك هو سلامك
لكن مين هيقدر إنك
مش مستحمل بعض حروفك
لما بتكتب يوم عن واحد
كاره كل الخير للناس
ناسى الود وفاكر إنه
رمز لكل الذوق وأساس
أنت أمانه وكل كلامك
للمخاليق بتنور ليهم
كل حياتهم كل ما فيهم
ليست هناك تعليقات:
إرسال تعليق