الشاعر أحمد محمد زايد
عضو إتحاد كتاب مصر و معد برامج بقناة مصر الزراعيه وأبن الدلجمون بكفرالزيات
انا شاعر بالمشاعر وبدونها مش ح اكون مش ح اكتب فى الضفاير ولا ف لون العيون طول ما بهموم الوطن قلبى الكبير مسكون واعشق تراب البلد اجمل بلد فى الكون وانا عارف ان القضيه ما تحلهاش اشعار ولا نقبل نختصرها فى وقف ضرب النار ومصر طول عمرها بتقدم الافكار لجل تحل المعقد وتحقق استقرار
اللى ما يتحققش ابدا بين الطرفين الا بوجود حدود تفصل بين دولتين صوره منها لاسرائيل والاصل لفلسطين واللى يجور على حقها يتحاسب بالقوانين ومجلس الامن الدولى لازم يقوم بدوره وما يخليش الشر فى الكون ينثر بذوره ولا يبقى دوره سلبى ولا حد يقف فى زوره بالشكل دا المغرور راح نخلص من غروره عايزين نظام عالمى جدير بالاحترام يقدر ينهى الحروب ويحل بيه السلام ما يكونش نظام شكلى ومبنى على الكلام ولا دوله عليه تهيمن فى يوم من الايام عايزين نظام عالمى من الحديد يفوت العدل يكون دراعه ولا يمشى بعلو الصوت ولا يبقى تليفزيون يتحرك بالريموت لا يحس باللى انجرح ولا يعلم باللى يموت وبغير كدا مش ح ارضى ومش ح اكون مبسوط
ليست هناك تعليقات:
إرسال تعليق