دعوه للحب .. قصيده للشاعره ناديه زكى أبنه كفرالزيات

 

الشاعره ناديه زكى

أستاذه الخط العربى بالأزهر وحصلت على العديد من الجوائز وشهادات التقدير من بيوت ثقافه متعدده وصدر لها ديوان دعوه للحب فى 2019

لو قابلتو الحب مره عيشوا فيه أحلى مغامرة دى الحياه من غيره مرّة كل حاجه حلوه فيه لما بيجى بيجى فجأه والحياه بوجوده فارقه فيه عداله مش لطبقه القلوب مشدوده ليه ابتسمله لو مره جالك سلًمله حالك ومالك مهما كان أو إيه جرالك للى حبّك روح راضيه يحلى بيه طعم الحياه م الهموم هوا النجاه الربيع فتح. معاه عطره فايح بين ايديه ليه تقول للحب بكره او تسبيه يبقى ذكرى اصل الحب كله فكره للفقير أو حتى بيه اصله عندى دا طبيعه لو ححب هكون مطيعه ولحلاوته اكون مذيعه حبنا ليه بنداريه هو له ديما معانى بس مش لوعة اغانى بس شوفوا بعين زمانى جوا منك هتلاقيه شوف جماله ف الطيور جوا بستان الزهور كل نمله في الجحور عارفه معنى الحب إيه شوف جماله وسط أسره وناس اصيله بينها عشره من دهب ماتكونش قشره هو ده اجمل بوكيه شوفو اجمل بين زمايل مش نفاق داالعمر زايل مهما اشوف منكم عمايل ديما أسأل غبتو ا ليه هوا مش همس و غرام او معامله والسلام وصي بيه خير الأنام صلى رب الكون عليه رب كل لناس إلهى هو عشقى وهو جاهى الحب دا كل اتجاهى والختام كان مسك بيه.