الشاعر أحمد محمد زايد
عضو إتحاد كتاب مصر و معد برامج بقناة مصر الزراعيه
وأبن الدلجمون بكفرالزيات
سد النهضه يا اوقح سد
ياللى مافيش بوقاحتك حد
احنا سنين وياك نتفاوض
وانت مافيش ف دماغك حد
**
انت المنبع واحنا مصب
ودى قسمة وعدالة الرب
علشان اشرب واسقى الحب
وانت مالكش ف كل دا يد
**
هات م الاخر قول ايه دورك
ياللى ترد الميه ف زورك
ليه على مصر بترمى شرورك
ياارشل ياللى طريقك سد
**
لو اخوانك عاملين خيه
علشان يمنعوا عنا الميه
لاه دا فيه قوانين دوليه
قوانين جامده ومالهاش قد
**
اتعاملنا معاك بسلام
قدمنالك احلى كلام
طاب اعادينا ادولك كام
لجل طريقك نلقاه سد
**
واتفاقاتى معاك مشروطه
بس عملت انك فلوطه
طيب ليه ياابن الشر.....
بتزوغ منا ف وقت الجد
**
ماتفهمنى مين اللى وراك
وعلى طريق الشر رماك
قوللى قطر ولا الاتراك
خلو كلامك جزر ومد
**
كلمه اخيره ياسد النهضه
ياللى تبع مشروع النهضه
يامشبعنا جدل ومناهده
ولاتعرفش اصول ولا ود
**
اوعى يغرك طيبتى وادبى
وح اقولهالك تانى بالعربى
من حركاتك لو زاد غضبى
على راس امك راح تنهد
ليست هناك تعليقات:
إرسال تعليق