الشاعر الغنائى والملحن الأستاذ/ طارق شعبان عبد الله
ابن كفرالزيات
هنائر مين ومين بعدك ينائرني
ومين ف الحزن يفهمني
ومين ف الفرح يرسم لي
سعاده وضي غير قلبك
يا عكازي خلاص بتمني اشوف ضلك
يجمع تاني ضحكتنا ف زمن خواف
يحسسني بحنان وأمان وقت ما اخاف
يا حضن ف عز عز البرد شمس الصيف
معاك أنا كنت واد حريف ف وقت اللعب
نسيت أن الحياه غادره نسيت أن الحياه قادره
تفرق لمه الأحباب وتتبخر ملامحك طيف
اشوفه ف وحدتي عزوه
واشوفه ف دنيتي قدوه
ويبقي ف خطوتي حدوه
تزيل من سكتي العقبات
ولما الناس تعزيني اشوفك كف ف يميني
بيسمح دمع كله آهات
تقول لي ياواد بلاش تحزن أنا جسدي اللي فارق مات
لكن روحي معاك باقيه
تشوفها لما تتركع وتتدعيلي
ف صلاه الفجر ما أنا فايتك يا قنديلي
تنور قبري بالدعوه
امانه عليك ياواد واصب علي الضحكه اللي ف جبينك
وحب الخير لكل الناس
ولو ياولدي كارهينك
ودينك تاج ياواد ع الراس
ينور ف الحياه جبينك
وعملي فايته مش خايف
يعود لك يا بني ف سنينك
هتوحشني
ليست هناك تعليقات:
إرسال تعليق