أغنبه مقدمه فيلم دكان شحاته
كلمات الشاعر جمال بخيت
وغناء الفنان أحمد سعد
فيلم صادم بحق يتنبأ صانعي الفيلم بمستقبل مصر .. نبوءه نتمنى جميعاً ألا تتحقق
وألا يصل بنا الحال إلى هذه اللحظه الفوضويه .. وحتى لو كانت فوضى خلاقه .. لأن الفوضى لا تؤدى إلا لفوضى أكبر والعياذ بالله
والفيلم صادم فعلاً .. وأرى ان صانعى الفيلم النيوءه .. تعمدوا أن يكون صادماً .. يمكن نفوق .. ولمن يرغب فى تلك الصدمه فليشاهد الفيلم مباشر وبدون تحميل
لمشاهدة فيلم دكان شحاته اون لاين نسخة دى فى دى dvd 2009
*****************************
وهذه القصيده كامله يلقيها الشاعر جمال بخيت
والله يسامحك ياعم جمال يابخيت
جريت الدمع فى عنيا
روح ياشيخ الله يسامحك .. الله يسامحك .. الله يسامحك
*****************************
وهذا نص القصيده للشاعر الجميل جمال بخيت
مش باقي مني
مش باقي مني غير شوية ضي ف عينيا
أنا هاديهوملك
وامشي بصبري ف الملكوت
يمكن ف نورهم تلمحي خطوة
تفرق معاكي
بين الحياة والموت
مش باقي مني غير شوية نبض ف عروقي
خُدي.. وعيشي..
وافتحي لي تابوت
أفرح بريحة ورد فرعوني
وربنا ف عوني
إذا دخلت الجنة ولاّ النار
هاشتاق إلي ضحكتك
وقعدتي ف الدار
والقهوة متحوجة
من طيبة العطار..
ف كل يوم الصبح
باشرب حليب قبطي
وف النهار والمسا
بامسك ستار الكعبة لو سبتي
واثبت إذا هربتي
أهديكي عمري وحسي وجوارحي
أهديكي جرحي
هو اللي باقي ف دنيتي لما خلص فرحي
مش باقي مني
غير شوية لحم ف كتافي
بلاش يتبعتروا ف البحر
بلاش يتحرقوا ف قطر الصعيد
ف العيد
بلاش لكلب الصيد.. تناوليهم
خدي اللي باقي من الأمل فيهم
وابني لي من عضمهم
في كل حارة مقام
وزوريني مرة وحيدة
لو كل ألفين عام
ألم الجراح يتلم
مش باقي مني غير شوية دم
متلوثين بالهم
مُرين وفيهم سم
كانوا زمان شربات
والنكتة سكرهم
شربتهم الخفافيش
في قلب أوكارهم
مش باقي مني غير شوية دم.. ماأقدرشي
أسقيكي.. مواجعهم
وبرضه ما أقدرشي
أرميكي..
وأبيعهم
يمكن ف مرة تعوزي تطلبيني شهيد
هاحتاج يوميها الدم
يمضي علي شهادتي
مش باقي مني
غير شوية قوة ف إرادتي
علي شوية شِعر من خطي
حاسبي عليهم وانتي بتخطي
وانتي ف صبح الدلال
بتعطري شطي..
مش باقي مني
غير شوية ضي ف عينيا
أنا مش عايزهم
لو كنت يوم هالمحك
وانتي بتوطي
في معركة مافيهاش
ولاطيارات ولاجيش
وانتي ف طابور العيش
بتبوسي إيد الزمن
ينولك لقمة
من حقك المشروع
مش باقي مني.. غير
شهقة ف نفس مقطوع..
بافتح لها سكة
ما بين رئة.. وضلوع..
ما بين غبار.. ودموع..
وأنا تحت حجر «المقطم»
ف الدويقة باموت
أنا.. والعطش.. والجوع..
يئن تحتي التراب
وانا صوتي مش مسموع..
ياحلمنا الموجوع..
من المرور ممنوع..
مستني لما يمر
موكب سلاطينك..
مش باقي مني
غير شوية رحمة من طينك..
علي شوية صبر من دينك..
مش باقي مني غير حبة غُنا تايهين
ف الضلمة مش لاقيين
حس الفواعلية..
ولا صوت مراكبي عَفي
فوق المعدية..
ولا صوت بناتي العذاري
في كل صبحية..
والغنوة.. أمنية
«ياما نفسي أقابل حبيبي..
وانا ع الزراعية»..
صوتك وصوتهم غاب..
وانا تحت حجر المقطم.. باموت لوحديّا..
الليلة راحت عيوني
تطل ع البستان..
وجناين الرمان..
رجعت لي توصف عناد الغل والدخان
وسحابة سودا تضلل
علي الغُنا الغلبان..
رجعت لي توصف هبوب الموت
علي الألوان..
رجعت لي توصف..
.. خيال الذل..
ف موائد الرحمن..
مش باقي مني غير شوية كُفر بشروقك
وأنا..
منبع الايمان..
مش باقي مني..
غير شوية ضي..
وعينيا
مش قادرة تلمحني..
في وحدتي محني..
خايف أموت م الخوف
والضعف يفضحني..
...
السجن عشش ف قلبي
وماشي ف شوارعك..
نفس اللي باعني وخدعني
بالرخيص بايعك..
هاشيل حمولي انا
ولا هاشيل حملك ؟!
ماعدت أملك شيء..
فيكي.. ولا فيّا
ولا قيراط ولا بيت..
ولا نسمة صافية تلاغي النيل بحرية..
مش باقي مني
غير شوية حب جارحّني
ولا باقي مني
غير شوية ضي ف عينيا
هناك 43 تعليقًا:
ربنا يستر
لكن المقدمات
تدل على الاواخر
ربنا يستر يا كى زد!
وأنا..
منبع الايمان..
مش باقي مني..
غير شوية ضي..
وعينيا
مش قادرة تلمحني..
في وحدتي محني..
خايف أموت م الخوف
والضعف يفضحني..
فعلا ربنا يستر
تقديري
الحقيقة انى ماشفتش الفيلم
و سمعت المختصر المفيد لقصته
لكن ....
الفيلم ما تنبأش بحاجة جديدة
فى معطيات
يبئا فى نتائج
مفيش حاجة بتيجى من العدم
ملحوظة على جنب : بأعتذر عن التأخير فى الزيارة ... :)
دمت بخير
ربنا يستر على بلدنا
قادر يغير الاحوال ويحميها
لكن بصراحة انا كنت جاية اشكرك على حبك وانتماءك لشركتك
فى زمن بيتباع فيه البنى ادم
كمان عترت فى لنكات كتب دكتور مصطفى محمود الله يرحمه
جزاك الله خيرا
الأغنية محزنة جداً
وانا سمعت عن قصة الفيلم باختصار وعرفت ان النبؤدة دى مش نبؤة دى حقيقة أو أنها على شفا الحقيقة الوقتى وربنا يستر
القصيد معبرة و مؤترة فعلا
و أرى أنها تعبر عن الواقع الذى نعيشة فعلا ههى لن تحدث فى المستقبل و انما هى تحدث الان فعلا
أحييك على الموضوع
أحمد الزنارى
السلام عليكم
ابكيتمون وما نحن الا باكين الاعين
واكثرتم همومنا وما اكثرها فى حياتنا
نسال الله ان يرفع عنا البلاء
اللهم ارفع عنا البلاء
السلام عليكم ورحمة الله وبركاته
ربنا يرحمنا لأول مره أتأمل كلمات الشعر لأجده بهذه المرارة ولكنه الواقع حسبنا الله ونعم الوكيل .
جزاك الله خيراً .
أخى كتبت تعليقى ولكن حدث خلل فى الجهاز
ولاأعرف هل تم حفظ التعليق أم لا ...
انا شفت الفيلم
وبجد كلمات الاغنية دى بتأثر جوايا قووووووووووووووووووووووى
ربنا يكرمك يارب
الفاضله norahaty
فعلاً بادكتوره فيه مقدمات
والمشكله الكل بيصرخ ويحذر
حتى الفنانين عملوا اللى عليهم وحذروا
وناس كتير شايفه الطريق ونهايته
لكن فيه ناس شايفه إن كل شىء وردى وتمام وربنا يرحمنا برحمته الواسعه
وحلو أسم كى زد
أشكرك
ودمتِ فى أمان الله وحفظه
الفاضله ماما أمولة
وكمان قال
********
مش باقي مني غير شوية دم.. ماأقدرشي
أسقيكي.. مواجعهم
وبرضه ما أقدرشي
أرميكي..
وأبيعهم
يمكن ف مرة تعوزي تطلبيني شهيد
هاحتاج يوميها الدم
يمضي علي شهادتى
*******
وربنا يستر
يمكن تتغير الأحوال للأفضل
ودمتِ فى أمان الله وحفظه
دكتوره Soul.o0o.Whisper
وحشتينا والله
خساره إنك مشفتيهوش
---
الفيلم ما تنبأش بحاجة جديدة
فى معطيات
يبئا فى نتائج
مفيش حاجة بتيجى من العدم
------
فعلاُ معكِ كل الحق
لكنه صرخه بتثبت إن كان هناك من حذر وأنذر والتاريخ مبيرحمش
ملحوظة على جنب برضه : ولا يهمك المهم إنك بخير
ودمت فى أمان الله وحفظه
الفاضله/ لقد خلقنا الله احراراً
نورتينا والله
وربنا يستر على بلدنا
قادر يغيرالاحوال ويحميهامن كل شر
وربنا يخليكِ ويحفظك
وأشكر لكِ كلماتك الجميله
ويبقى التواصل
ودمتِ فى أمان الله وحفظه
Dr Ibrahim
منورنا والله يادكتور
الأغنية محزنة جداً بس !!
دى أصابتنى بالقهر
ونتمنى انها تكون نبوءه كاذبه
أو ربنا يصلح الأحوال
وربنا قادر على كل شىء
وربنا يستر
ودمت فى أمان الله وحفظه
الزنارى
مرحب بيك
القصيد معبرة و مؤترة فعلا
أنا سمعتها أكثر من مره وأنا أشاهد الفيلم
وبعد كده جبت النص
وفعلاً ربنا يستر
ويحمى مصر
وبحييك على الدليل
وأشكرك ويبقى التواصل
ودمت فى أمان الله وحفظه
smilyrose
وعليكم السلام ورحمه الله وبركاته
نورتينا
ولكنها الحقيقه
ولابد نعترف بيها
حتى لانكون مغيبين
وربنا يستر ويحفظ مصر كنانه الله فى أرضه
وأدعو الله معك
نسال الله ان يرفع عنا البلاء
ويبقى التواصل
ودمتِ فى أمان الله وحفظه
الفاضله/ حياتى نغم
وعليكم السلام ورحمه الله وبركاته
لأنه صادق ومن القلب
نشعر بتلك المراره
وربنا يحفظنا
ويحفظ مصر كنانه الله فى أرضه
فهو قادر على كل شىء سبحانه
ودمتِ فى أمان الله وحفظه
الأخ الفاضل /محمد الجرايحى
المهم نورتنا بطلتك البهيه
ويكقينى متابعتك الكريمه
ودمت أخى فى أمان الله وحفظه
الأخت /الأحــــــ إيناس ــــــزان
منورانى دايماً
التأثير راجع لأنها كلماتها كتبت بقلم
موجوع وصادق
ودمتِ فى أمان الله وحفظه
الله يستر بستره
فعلا الاغنيه كلماتها موجعه وقويه
اقصوصه
الله يستر بستره
فعلا الاغنيه كلماتها موجعه وقويه
-------
فعلاً موجعه وكلماتها ومعانيها صادمه .. علشان نحس ونفوق
ودمتِ فى أمان الله وحفظه
اخي العزيز
شاكر مؤازرتك للحمله ووضع شعارها علي مدونتك وآمل ان تدعوا اليها في محيط عملك وسكنك وجزاك الله خيرا.
احي
ليس امامنا سوي صناديق الانتخابات او التغيير الدموي الذي نرفضه جميعا علينا ان ناخذ بالاسباب وعلي الله النتائج وكفاح الشعوب يأخذ العقود وربما القرون من اجل الحصول علي حقوقها...تري لو فعل الشعب من اجل انتخابات حره مثل ما فعل في ماتش الجزائر ماذا ستكون النتيجه؟!
شفته الفيلم جميل ومؤثر وعجبني جدا
بس انا شايفة انه حاجات كتيرة من المواقف الي فيه بتحصل فعلا وربنا يستر من الي جاي
والاغنية تحفة وكلماتها موجعة جدا
تسلم ايدك عالبوست
انا رديت على سؤالك يارب اكون افدتك
بالتوفيق ان شاء الله
أخى الفاضل: واحد من العمال
السلام عليكم ورحمة الله وبركاته
نحن كمن يركب قطاراً ، والقطار يسير بسرعة رهيبة .. والسائق كبر فى السن وضعف ساعده ووهنت قبضته فلم يعد قادراً على التحكم فى عصا القيادة والركاب لايشعرون بالخطر الذى ينتظرهم عند أول منحنى ......
أخى أشكرلك كلماتك الطيبة ومشاعرك النبيلة
أخوك
محمد
السلام عليكم ورحمة الله وبركاته
أستاذى من فضلك لو وصلت لرابط لفيلم نجوم على الأرض .. أرجو إبلاغى لأنى حاولت ولم أجد إلا تقارير عن الفيلم وموقعه الرسمى فقط .
الأخ الفاضل م/ الحسيني لزومي
لا شكر على واجب أخى العزيز
وزى ما بتقول
فعلاً لازم نأخذ بالأسباب ونصبر ونتحمل لأن البديل صعب
وأحيي اصرارك ومثابرتك السنويه فى هذه الحمله والتى أتمنى لها النجاح من كل قلبى
ودمت أخى فى أمان الله وحفظه
الأخ الفاضل / محمد الجرايحى
وعليكم السلام ورحمه الله وبركاته
تشبيه موجع ورائع
وزى مابيقولوا أنت جبت من الأخر
وربنا يستر ويحفظنا ويهدينا
ودمت فى أمان الله وحفظه
ঔღঔ نـــوارة ঔღঔ
أتارى المدونه منوره
بنواره الفلسطينيه
أشكر لكِ أهتمامك بالرد
وجارى تنفيذ ومتابعه ما أشرتى به على فى ردك
ودمتِ فى أمان الله وحفظه
القصيدة طبعاً سمعتها كثير جداً
ولو علي مصر ,, فربنا يستر عليها
الفيلم بقي مش هشوفه أبداً يا زعيم البوليتاريا ,, لايونكن أبداً أشوفه
يااااه
كل ده
إنت فعلا دوست على الوتر
و يا ريت لو كان عند البشر
وعى و بصيرة و بصر
و يلحقوا ينقذوا نفسهم من الخطر
و الفساد اللى فى البلاد انتشر
تحياتى
طبعاً انا مش حاطت صورة الريس عشان اداري شرخ بلدنا لا.. طبعاً لان الشرخ فعلاً زي ما رد عليه وقله الشرخ كبير الصوره مش مدارياه لانه مينفع شخص واحد او صورته او تاريخه يغطي شرخ زي ده لانه شخص اما الشرخ فهو في جدار تاريخ بلد وتاريخ امة وتاريخ وطن على امتداد سبعة الف سنة
لكن انا حاطت صورته عشان مؤمن بمشروعه من اجل ترميم هذا الشرخ واتساق منظره مع باقي الجدار والذي هو جزء من بناء عتيق
وليس من اجل ان اخبئ او اداري او اتحايل على شيء حقيقي من المفروض ان اتعامل معه بشيء من الوعي والادراك وليس بان اخفيه
تقبل كل التحية والاحترام
د. ياسر عمر عبد الفتاح
منورنا يادكتورنا الأديب
والقصيده فعلاً على مصر
وربنا يستر والفيلم مش هتشوفه لايونكن لايونكن لايونكن
ودمت أخى فى أمان الله وحفظه
Dr. Kafy
منورنا يادكتور
وياريت يكون عندنا
وعى
و بصيرة
و بصر
وربنا يستر
ودمت فى أمان الله وحفظه
فارس عبدالفتاح
أنا عارف أخى العزيز
الشرخ كبير صحيح بس ممكن يتصلح
مش نداريه
بس لما يبقى عندنا وعى وادراك
والصوره والشرخ مجرد رمز بس واضح شويه
وأنا عارف ان عبد الناصر تجربه لم تتاح الفرصه لها أن تكتمل
وأنا كعامل لست ناصرياً ولكنى أحترم عبد الناصر البعد الأجتماعى والأنسانى وأقدر له صناعه ودعم الطبقه المتوسطه التى تتلاشى الأن وهى صمام الأمان لأى وطن
ودمت فى أمان الله وحفظه
ربنا يستر ومنوصلش للمرحلة دي
اللهم ولي علينا من يصلح
ويبقى التواصل
أقرا المقال دا
http://ahmedhassanworld.blogspot.com/
المدونة روعة وانا اسف علي تأخري في الدخول لأني مش باتصفح النت غير كل يوم جمعة اسف جدا
فيلم دكان شحاته انا شايف انه لم يضيف جديد في السينيما المصرية اللي ماورهاش حاجة!!
وعجبني اوي طريقتك في نكش التدوينات
البلد تعبانة
واحنا تعبانين
وربنا يستر علينا ويرحمنا
في الايام المباركة دي
الأستاذ/ معتز شاهين - باحثنا التربوي
ربنا يستر ومنوصلش للمرحلة دي
وبنقول معاك يارب
ودمت فى أمان الله وحفظه
دكتور لذيذ
الله يخليك يادكتور يالذيذ
وولا يهمك على التأخير
وأشكر لك طلتك البهيه
بس الفلم يتنبأ لمصر عام 2013
حتحصل أزمه كبيره وثوره للجياع والعاطلين
دى رؤيتهم وتحذير صانعى الفيلم وسيبك من البطله
الأهم النبوءه ويارب ماتتحقق
وربنا يلطف بينا ونورتنا
ودمت أخى بخير حال
ا
واحد من العمال بصراحه عندما تخرج الكلمات من القلب تصل بنفس المشاعر والاحاسيس الى كل من يسمعها او يقرأها ،شعرت بحزن ومراره ادعو الله ان يفرج الكربه .كل عام وانتم الى الله اقرب وبألف صحه وعافيه وجزاكم الله خيرا.
إرسال تعليق